ക്‌ളാവരയും മന്നവന്നൂരും പിന്നെ ധനുഷ്കൊടിയും

ക്ലാവര എന്ന സ്വപ്നം...

പേര് ചിലർക്കൊക്കെ പരിചിതമെങ്കിലും അധികമാരും കേട്ടില്ലെന്നു കരുതുന്നു.. 

ഇതൊരു പഴയ യാത്രയാണ്, അത്ര പഴകിയിട്ടില്ല മനസ്സിൽ.. അങ്ങനെയാണ് ചില യാത്രകളിങ്ങനെ മനസ്സിൽ മായാതങ്ങനെ കിടക്കും...ഇടക്കൊക്കെ പൊടിതട്ടി ഉയർത്തെഴുന്നേറ്റു വരുകയും ചെയ്യും....  

ക്ലാവര എന്ന സ്വപ്നത്തെ തേടിപ്പിടിക്കാൻ കൂട്ടുകാരുമൊത്തു.. 

അടുത്തടുത്തായി വന്ന, 

             പണിമുടക്കിന്റെ രണ്ടുനാൾ മുന്നെയാണ് എന്നോ പറഞ്ഞു വെച്ചെന്നപോലെ ട്രിപ്പടിപ്പൻ ചെങ്ങായിയായ അബു വിന്റെ കാൾ...         'മച്ചാനെ രണ്ടു ദിവസം പണിമുടക്കാണ്.. 'എങ്ങോട്ടേലും വിട്ടാലോ... 😉 ഒന്നും മറുത്തുപറയാൻ തോന്നാത്ത നിമിഷത്തിൽ പിന്നെന്തു വിട്ടേക്കാം എന്നു ഞാനും....രണ്ടുപേരു പോരാ... ട്രിപ്പിന്റെ ഇമ്പത്തിനു രണ്ടെണ്ണത്തിനേം കൂടി പൊക്കണം....തോളിൽ കൈയിട്ടു നടക്കുന്നവനെ ഒഴിവാക്കിയെട്ടെന്തു ട്രിപ്പ്‌... എന്ത് ഹരം....🤩നുമ്മ ചെങ്ങായായ സൈഫുദീനെ പൊക്കി.... മൂപ്പര്‌ മറുത്തു പറയില്ല...ഇനിയിപ്പോ പറഞ്ഞാൽ തന്നെ ക്യാഷ് അങ്ങോട്ട്‌ കടം കൊടുത്ത് കൊണ്ടോകും.. 😜 അപ്പോ മറുത്തു പറഞ്ഞാൽ സീൻ കോൺട്ര ആവുമെന്നറിയാവുന്ന ണ്.... കോറം തികയാൻ അങ്ങ് തലസ്ഥാന നഗരിയിൽ സർക്കാരിനെ സഹായിക്കുന്ന ചങ്കിനെ അങ്ങ് പൊക്കി. അരുൺ എന്ന ഗഡി...

ഇടക്കെങ്ങോ മനസ്സിൽ കുടിയേറിയ സ്വപ്നമാണ് മന്നവന്നൂരും, ഈ ക്ലാവരയും.. അങ്ങനെ ആണ് ട്രിപ്പ്‌ അവിടേക്കാകാം എന്നും, അങ്ങോട്ടേക്ക് ആയാൽ കൊള്ളാമെന്നു കൂട്ടായി അങ്ങ് തീരുമാനിച്ചത്...

 പ്രകൃതിയെ സ്നേഹിക്കുന്നവർക്കല്ലേ ഗ്രാമത്തിന്റെ ഭംഗി ആസ്വദിക്കാൻ കഴിയൂ... 

    അങ്ങനെ പണിമുടക്ക് തലേ ദിവസം മണിമല യിൽ നിന്നും ഓനേം പൊക്കി കൊടൈക്കനാൽ ലക്ഷ്യമാക്കി വണ്ടി പാഞ്ഞു..... 

        തമിഴന്റെ മണ്ണിൽ കാലു കുത്തുമ്പോൾ ഉള്ള സുഖം അറിഞ്ഞപ്പോൾ മനസ്സിലായി വണ്ടി കമ്പം റോഡു പിടിച്ചിട്ടുണ്ട് എന്നു..... കമ്പം എന്നു കേക്കുമ്പോഴേ പുറത്തുചാടും.... മുന്തിരി തിന്നാനുള്ള പൂതി..... ആഗ്രഹം മനസ്സിൽ വെച്ചിട്ടെന്തിന് മിണ്ടാതിരിക്കണം..... ചവിട്ടു മച്ചാനെ വണ്ടി....മാരുതിയുടെ വിശ്വാസവും ബ്രെസ്സയുടെ ബ്രേക്കിങ് ഉം😜 ആയപ്പോൾ നമ്മൾ വിചാരിച്ചപോലെ മുന്തിരിയുടെ കലവറ തന്നെ ലക്ഷ്യമാക്കി വണ്ടി നിന്നു....അങ്ങനെ മുന്തിരി നുണഞ്ഞു കുറെ നേരത്തെ മുന്തിരിപ്പാടം നോക്കി ചറപറാ കുറെ ക്ലിക്ക്....മ്മ്മ് ഫ്രെയിം പോരാ.... പോയേക്കാം എന്നു ഒരു തള്ളും.... ഹാ... അതിനു ഒട്ടും കുറവില്ലല്ലോ... തള്ള്.... 😀

കൊടൈ മലനിരകൾ ലക്ഷ്യമാക്കി ബ്രെസ്സ മുന്നോട്ടേക്കു കുതിച്ചു....

            തേനിയും കടന്നു മുന്നോട്ടേക്കായപ്പോൾ വയറ്റിൽ നിന്നും വിളികൾ എത്തി.... അതിനു നോ കോംപ്രമൈസ്...ഒന്നാതരം ചൂട് പൊറോട്ടയും......?? കറി ചോദിച്ചപ്പോൾ ആണ് അറിഞ്ഞേ 'ജാങ്കോ പെട്ടു'..വെജ് only ആണെന്ന്.... അപ്പോൾ തന്നെ പിറകിന്നു ഒരു ഓംലറ്റ് കിട്ടുവോ എന്നു...😂അവന്റെ കാര്യം ഇനി പറയേണ്ടല്ലോ..... 😵😵അങ്ങനെ ചൂട് പൊറോട്ടയോടു ഒരു മല്പിടിത്തം നടത്തിയട്ട് കൊടൈകനാൽ മലയിലേക്കു.... 

കൊടൈകനാൽ ആണോ, പോകുമ്പോൾ ജാക്കറ്റ് കൊണ്ട് പോകണമെന്ന് പഴമക്കാർ പറയാറില്ലേ....നുമ്മക്കെന്ത് ജാക്കറ്റ് കാര്യമാക്കില്ലല്ലോ....... പക്ഷെ പണിപാളി.... വിചാരിച്ചതിലും തണുപ്പ് കൂടുതൽ.... പണി കിട്ടിയ എന്നെ കണക്കിന് ട്രോള്ളികൊന്നു കൂടുള്ള പഹയന്മാർ.. .. തള്ളും... ട്രോളും കൂടി ഒന്നിച്ചാൽ എന്തുണ്ടാവുമെന്നു പറയേണ്ട കാര്യമില്ലല്ലോ.....🙆 ഭാഗ്യം വല്ല മൈനസ് ആയിരുന്നേൽ തീർന്നേനെ എന്റെ കാര്യം...😪. പിന്നെ ഉള്ളതുകൊണ്ടൊക്കെ അഡ്ജസ്റ്റ് ചെയ്തു ഗൂഗിൾ ചേട്ടന്റ സഹായത്തിൽ ബുക്ക്‌ ചെയ്ത റൂമിൽ ഒരുകണക്കിന് എത്തിപ്പറ്റി.... 

പിറ്റേന്ന് രാവിലെ എണീക്കാൻ എല്ലാർക്കും എന്തൊ ബുദ്ധിമുട്ടുപോലെ.... ഒരുകണക്കിന് എണീറ്റു തൊണ്ടയിൽ അല്പം ചൂട് ചായ ചെന്നപ്പോൾ ആകെ ഒരു ഉന്മേഷം....

     അപ്പോഴേക്കും അണ്ണാച്ചി ചൂടുവെള്ളത്തിന്റെ കാര്യം തീരുമാനമാക്കി..... പെട്ടന്ന് എല്ലാരേയും സെറ്റ് ആക്കി റൂം ചെക്ഔട്ട്‌ ചെയ്ത് വയറ്റിൽ ഈരണ്ടു പൂരിയും കുത്തിക്കേറ്റിയട്ട് മന്നവന്നൂർ ലക്ഷ്യമാക്കി തിരിച്ചു....മുന്നേ map പണിമുടക്കുമെന്നറിയാവുന്നതു കൊണ്ട് offline ൽ പ്രവർത്തിക്കുവാൻ അങ്ങ് ഡൌൺലോഡ് ചെയ്തു വെച്ചു..., 'മേപ്പിന്റെ കളി ഈ ഞമ്മളോടാ... 😏

അങ്ങനെ കൊടൈക്കനാലിൽ നിന്നും 30 km അകലെയുള്ള മന്നവന്നൂരിൽ എത്തി...ഫോറെസ്റ്റ് ന്റെ സുരക്ഷയിൽ ഉള്ള ബോട്ടിംഗ് lake ഉം, കയാക്ക്, കുട്ടവഞ്ചി എന്നിവയാണ് ഇവിടെ  ഉള്ളത്... 

പിന്നെ ട്രക്കിങ് ഉം ഉണ്ട് കേട്ടോ.... എൻട്രി പാസ്സ് എടുത്തുവേണം അകത്തു കയറുവാൻ... ബോട്ടിംഗ് ന് പ്രേത്യേകവും.... 

ഇവിടെ നിന്നും ഇനി നേരെ ക്ലാവര യിലേക്ക് ആണ് യാത്ര...കൊടൈക്കനാലിൽ നിന്നും ഏകദദേശം 45 കിലോമീറ്ററോളം തികച്ചും ഗ്രാമങ്ങളിൽ കൂടി വേണം ഇവിടേക്കെത്താൻ. ഇങ്ങോട്ടേക്കു പോകുന്ന വഴിയിൽ ആണ് പൂണ്ടി, കാവുഞ്ചി, എന്നീ സ്ഥലങ്ങൾ... 

എല്ലായിടവും പ്രധാനമായും കൃഷിയിടങ്ങൾ തന്നെ.... കുത്തനെ കിടക്കുന്ന മലനിരകളെ വെട്ടിയൊരുക്കി ഓരോ ഇടത്തേക്കും പ്രേത്യേകം ചാലു വെട്ടി മെയിൻ ജലസംഭരണിയിൽ നിന്നും വെള്ളം എത്തുന്ന തരത്തിൽ ആണ് കൃഷിയിടം ഒരുക്കിയിരിക്കുന്നത്...

അതിമനോഹരമായ കൃഷിയിടങ്ങൾ കാണുമ്പോൾ നമ്മൾ ഓർത്തു പോകുന്ന ഒന്നാണ് നമ്മുടെ നാട്ടിൽ സാഹചര്യം ഉണ്ടായിട്ടും കൃഷിയെ തിരിഞ്ഞു പോലും നോക്കുന്നില്ലല്ലോ എന്നു.... ഹാ പറഞ്ഞിട്ടെന്തിനാണ് വെറുതെ സീൻ ബോർ ആക്കുന്നെ.....😡 

വെളുത്തുള്ളി, കടല, ക്യാരറ്റ്, ക്യാബേജ് എന്നിവയൊക്കെയാണ് ഈ ഭാഗങ്ങളിലെ പ്രധാന കൃഷിയിനങ്ങൾ.... കൃഷി സ്ഥലം വളരെ പരിപാപനമായി ആണ് സംരക്ഷിക്കുന്നത്.... ചെരുപ്പ് പോലും ഇടങ്ങളിൽ ഉപയോഗിക്കില്ല... അത്രക്കും അന്നത്തെ സ്നേഹിക്കുന്നു എന്നു വേണം മനസ്സിലാക്കാൻ.... അങ്ങനെ പൂണ്ടി, കാവുഞ്ചി എന്നിവടങ്ങൾ താണ്ടി ചെറിയ ഒരു സ്കൂളിന്(പോലൂർ) മുന്നിൽ എത്തി.... 

ഞങ്ങളുടെ കാർ കണ്ടപ്പോഴേക്കും കുട്ടികൾ ഓടിക്കൂടി.... കയ്യിൽ ഒരു മിട്ടായിയുടെ പൊതിപോലും ഇല്ലാത്തതു വളരെ സങ്കടം വന്നതുകാരണം അടുത്തുള്ള കടയിൽ പോയി രണ്ടു പാക്കറ്റ് മിട്ടായി വാങ്ങി ടീച്ചറിനെ ഏൽപ്പിച്ചു കുട്ടികളോട് ടാറ്റാ പറഞ്ഞിറങ്ങുമ്പോൾ മനസ്സിന് എന്തെന്നില്ലാത്ത സന്തോഷം തോന്നിയ നിമിഷങ്ങൾ ഞങ്ങൾ എല്ലാവരും അനുഭവിച്ചറിഞ്ഞു.....

ശേഷം ക്ലാവര എന്ന പ്രകൃതി സുന്ദരിയെ നല്ല പോലെ തൊട്ടറിഞ്ഞ നിമിഷങ്ങളും..പ്രകൃതിയുമായി ലയിച്ചു കിടക്കുന്ന ഇത്ര സുന്ദരമായ ഗ്രാമങ്ങൾ, അതിന്റെ മടിത്തട്ടിൽ അന്നത്തിനു വേണ്ടി പണിയെടുക്കുന്ന മനുഷ്യ ജന്മങ്ങൾ...

ക്യാരറ്റ് വിളവെടുക്കുന്ന കൃഷിക്കാരെ കണ്ടു ഇറങ്ങിച്ചെന്നു അവരോടൊപ്പം കൂടി കൊറേ സൊറ പറച്ചിൽ.... പിന്നെ കുറെ ക്യാരറ്റ് പിഴുതെടുത്തു അതിനുള്ള പ്രതിഫലവും നൽകി കൊടൈകനാൽ ഗ്രാമങ്ങളിൽ നിന്നും വിടപറയാൻ പാകത്തിൽ വന്നവഴി തന്നെ വണ്ടി പോക്കൊണ്ടേയിരുന്നു.... 

ശെരിക്കും ഗ്രാമത്തെ തൊട്ടറിഞ്ഞും ആസ്വദിച്ചും ആസ്വാദനം വേണ്ടുവോളം ഫ്രെമിൽ ആക്കിയും തിരിച്ചു കൊടൈകനാലിൽ വന്നപ്പോൾ വട്ടക്കനാൽ ഒന്നു കണ്ടുകളയാം എന്നൊരു മോഹം....അങ്ങനെ അവിടെ ചെന്നപ്പോൾ പോലീസ് അണ്ണന്മാർ എല്ലാം കൂടി ഇട്ടിരുന്ന അണ്ടർവെയർ വരെ തപ്പി..... പരാജയം സമ്മതിച്ചു 'കിളമ്പിങ്കെ' എന്ന് പറഞ്ഞു.... വട്ടക്കനാലിന്റെ ഉള്ളിൽ പോയപ്പോൾ നല്ല കോടയിറങ്ങിയേക്കുന്നു..വ്യൂ പോയിന്റിലേക്കു ചെങ്കുത്തായ വഴിയും ഏകദേശം 2.5 km നടത്തവും ഉണ്ടെന്നു മനസ്സിലാക്കിയപ്പോൾ ഒറ്റക്കെട്ടായി തിരിച്ചുവിടാം എന്ന് പറഞ്ഞു തിരികെ ടൗണിലേക്ക് മടങ്ങി... 

തണുപ്പിന്റെ അതിപ്രസരണവും, മലകയത്തിന്റെ ക്ഷീണവും ശരീരത്തെ ബാധിച്ചപ്പോൾ ഇനി ഒരു മല കയറ്റം പന്തിയല്ലെന്ന് തോന്നി തുടങ്ങി.... വാല്പാറ, മലക്കപ്പാറ വഴി തിരികെ വീട്ടിലേക്കു എന്ന് ആലോചിച്ചിരുന്നു.... അപ്പോൾ പെട്ടന്നൊരു മോഹം കൂടുള്ള അച്ചായൻ ചങ്കിനു.... മലനാട്ടിൽ നിന്നും ഇടനാട്ടിലൂടെ നേരെ തീരപ്രദേശത്തേക്കു വിട്ടാലോ എന്ന്.... അതെ ധനുഷ്‌കോടി...അതുകൊള്ളാം എന്ന് എല്ലാരും ഒരേ സ്വരം..... വണ്ടി വിട് മച്ചാനെ നേരെ രാമേശ്വരം....

അങ്ങനെ ധനുഷ്‌കോടി ലക്ഷ്യമാക്കി അന്നത്തെ രാത്രിയുടെ യാമങ്ങൾ തമിഴന്റെ മണ്ണിനെ പുൽകി പൊക്കോണ്ടിരുന്നു.... 

വണ്ടിയുടെ പ്രധാന തേരാളിയായ അബു സാർ അപ്പോൾ തന്നെ വണ്ടി വലത്തേക്ക് തിരിച്ചു കൊടൈ മലയിറങ്ങി നേരെ രാമേശ്വരം ലക്ഷ്യമാക്കി നീങ്ങി... ഡിണ്ടിഗൽ മധുരൈ റോഡിൽ കേറിയപ്പോൾ അബു പറഞ്ഞു നമ്മുക്ക് തലപ്പാക്കെട്ടി ബിരിയാണിയുടെ ടേസ്റ്റ് അറിയാതെ പോകുന്നത് ശെരിയല്ല....ഇതു കഴിക്കാതെ ഈ റൂട്ടിൽ പോയാൽ വല്യ നഷ്ടമാണെന്ന് ഒക്കെ ഇടക്കുള്ള തള്ളും വന്നു.....

എങ്കിൽ കഴിച്ചിട്ട് തന്നെ കാര്യം എന്ന മട്ടിൽ എല്ലാരും.... അങ്ങനെ മധുരൈ യിൽ 10 pm ന് എത്തി തലപ്പാക്കെട്ടി ബിരിയാണി കടയിൽ കയറി അതിന്റെ കുറവങ്ങു നികത്തി.... കൊള്ളാം..👌 സൂപ്പർ ടേസ്റ്റ്.... 😋ഇമ്മാതിരി ടേസ്റ്റിൽ ബിരിയാണി ആദ്യമായിട്ടാ.... 

വീണ്ടും ലക്ഷ്യ സ്ഥാനത്തേക്ക് യാത്ര....ഗൂഗിൾ ചേട്ടൻ ഇവിടെയും സഹായിച്ചു.....എല്ലാ റൂമുകളും ഫിൽ ആയപ്പോൾ കുറഞ്ഞ ബഡ്ജറ്റിൽ ഉള്ള റൂം കാട്ടി തന്നു സഹായിച്ചു.... ഗൂഗിൾ അമ്മാവാ thanks.... 

    രാവിലെ 7 മണിക്ക് എല്ലാരും റെഡി ആവണമെന്ന് പറഞ്ഞതനുസരിച്ചു ഓരോരുത്തരായി റെഡി ആയി 7.30 മണിക്ക് തന്നെ ധനുഷ്കോടി ലക്ഷ്യമാക്കി നീങ്ങി.... മുൻപത്തെ പോലെ അല്ല.... ഇപ്പോൾ രണ്ടു കടലിനിടയിലൂടെ അങ്ങറ്റം വരെ പോകാം.... 

കടലിന്റെ നടുക്ക് കൂടി വണ്ടിയിൽ പോകുമ്പോൾ ഉള്ള ഫീൽ ഉണ്ടല്ലോ.... അതൊക്കെയല്ലേ ആസ്വദിക്കേണ്ടത്..... ഇതൊക്കെ ആസ്വദിച്ചില്ലെങ്കിൽ നുമ്മ എന്ത് ഇന്ത്യക്കാരാ....

ഇന്ത്യയുടെ കിഴക്കേ അറ്റത്തു അതിർ വരമ്പിൽ ആയൽ രാജ്യമായ ശ്രീലങ്കയെ തൊട്ടു തൊട്ടില്ല എന്ന മട്ടിൽ വരെ എത്തി... 

ധനുഷ്‌കോടി  നല്ലവണ്ണം ആസ്വദിച്ചു..... അങ്ങനെ ആസ്വദിക്കുമ്പോൾ ആണ് അബു പറഞ്ഞത് ഇവിടെ ഇതിനടുത്തു പ്രേത നഗരി എന്ന് പറയുന്നിടം ഉണ്ട്.... ഒരു കാലത്തു ഇപ്പോഴത്തെ ചെന്നൈ പോലെ സിറ്റി ആയിരുന്ന ധനുഷ്കോടിയെ 1964 dec മാസം ഒരു രാത്രിയിൽ ഭീമൻ സുനാമി വന്ന് വിഴുങ്ങിയിരുന്നു.... ഏകദെശം 3 km കൂടുതൽ ഇപ്പോഴും കടലിനടിയിൽ തന്നെ, അവശേഷിക്കുന്നവ കാലത്തിന്റെ അടയാളങ്ങൾ ആയി ഇപ്പോഴും നിലകൊള്ളുന്നു... അന്ന് ഏകദേശം 2000 ആളുകൾ ഈ അപകടത്തിൽ മരണപ്പെട്ടെന്നാണ് കണക്കുകൾ... ഈ ഭാഗം, 

തങ്ങളുടെ സൗഭ്യാഗ്യങ്ങളെ തട്ടിപ്പറിച്ച  ഈ ഭാഗം പ്രേതനഗരിയെന്നു പറയപ്പെടുന്നു..... 

അതൊക്കെ മച്ചാൻ മാർ ഒക്കുന്നപോലെക്കെ ഫ്രെയിമിൽ ആക്കി..... വിശപ്പിന്റെ വിളികൾ വന്നെത്തിയപ്പോൾ ലൈവ് ആയി മീൻ പൊരിച്ചു തരുന്ന അക്കനെ കണ്ടു മീനും ചെമ്മീനും എല്ലാം കൂടി ഒരുപിടി....കുറച്ചു പഴവും കുത്തിക്കേറ്റിയട്ട് ധനുഷ്കോടിയോടു വിട പറഞ്ഞു..... 

    

തിരികെ വരുന്ന വഴിയിൽ നമ്മുടെ എല്ലാവരുടെയും ഹീറോ ആയ Dr. APJ അബ്ദുൽ കലാം sir നെ മറക്കാൻ കഴിയുമോ.... അദേഹത്തിന്റെ ഭവനത്തിൽ കയറി...നിറയെ ടൂറിസ്റ്റുകൾ.... ശേഷം അദേഹത്തിന്റെ ശവകുടീരവും കയറി..... 👮A Big സല്യൂട്ട് the ഗ്രേറ്റ്‌ ഇന്ത്യൻ man...  

    ശേഷം ഉച്ചയോടെ രാമേശ്വരം വും വിടപറഞ്ഞു പാമ്പൻ പാലത്തിൽ മുത്തമിട്ടു തിരുന്നൽ വേലി, തെങ്കാശി, പുനലൂർ, കൊട്ടാരക്കര വഴി വീട്ടിലേക്കു.... ഏകദേശം 11.30 pm ന് വീട്ടിലെത്തി.... രണ്ടു ദിവസത്തെ പണിമുടക്കിനോടും യാത്രപറഞ്ഞിട്ടു നാളെയുടെ സ്വപ്നങ്ങളിലേക്ക് വീണ്ടും തീരാ യാത്ര...... 

യാത്രകൾ അവസാനിക്കുന്നില്ല.....

B Moh'd Ashraf